Aktori i njohur pëson humbjen e madhe, njofton vdekjen e djalit të tij nga një formë e rrallë kanceri
Aktori dhe regjisori Gary Sinise, i famshëm për rolin e detektivit McTaylor në serialin televiziv CSI: NY, por edhe për pjesëmarrjen në shumë filma të suksesshëm si Forrest Gump dhe Truman, po përjeton momente tragjike.
Sipas një deklarate të lëshuar dje nga Fondacioni Gary Sinise, më 5 janar, djali i dashur i aktorit, McCanna Anthony Sinise, ka ndërruar jetë në moshën 33-vjeçare, pas një beteje të gjatë me një formë të rrallë të kancerit.
Në një mesazh të postuar në faqen e internetit të fondacionit, ylli 68-vjeçar flet për kohët e vështira që po përjetojnë ai, gruaja dhe dy vajzat e tyre.
Si çdo familje që përjeton një humbje të tillë, ne jemi të shkatërruar dhe po përpiqemi ta përballojmë sa më mirë”, shkruan Sinise
Për një prind, është tepër e vështirë të humbasë fëmijën. Unë simpatizoj me gjithë zemër për ata që kanë pësuar një humbje të ngjashme dhe për këdo që ka humbur një të dashur. Të gjithë e kemi përjetuar në një farë mënyre. Gjatë viteve kam takuar shumë familje të heronjve të rënë. Është zemërthyese dhe tmerrësisht e vështirë”./OraNews
