Pa dyshim, Liverpool-i do të mundohet ta shijojë sa më shumë Jurgen Klopp në gjysmën e dytë të këtij sezoni. Kjo edhe për shkak se pas lajmit për lamtumirën e tij nga “Reds”, që do të bëhet në verë, shumë tifozë u zhgënjyen dhe mbetën të befasuar.
Klopp është i lidhur me një imazh të buzëqeshjeve dhe shakave, edhe në konferencat për shtyp. Këtë herë asisti ishte… dentisti i tij. Po, sepse në prag të ndeshjes së fundjavës, përpara Arsenal-Liverpool, Klopp la sërish shenjë në konferencën për shtyp.
Trajneri gjerman ka ndërprerë pyetjen e një gazetari për shkak se ka marrë një telefonatë nga dentisti i tij. Mes buzëqeshjeve të të gjithëve, Klopp mori telefonin dhe ia tregoi audiencës së gazetarëve të pranishëm në konferencën për shtyp: “Dentisti po më telefonon, mund të jetë e rëndësishme”.
Rreth “Anfield” nuk flitet gjë tjetër veçse për lamtumirën e ardhshme të Jurgen Klopp nga Liverpool-i, e njoftuar ditët e fundit. Trajneri gjerman ka bërë të ditur se nuk do të jetë më trajner i “Reds” në fund të sezonit./OraNews
