Ai është një ndër figurat më të rëndësishme të humorit shqiptar.
Një jetë në skenë, një jetë pranë publikut të cilin e ka bërë për vete me batutat e tij, duke na shkaktuar të qeshura pa fund, por edhe të përlotemi shpeshherë falë mjeshtërisë së paraqitjes së realiteteve paradoksale në të cilat jetojmë.
Artisti i madh, Agron Llakaj, vijon të na shtojë të qeshurat dhe të na zbukurojë mbrëmjen e së shtunës me “Al Pazar”.
Por si është për një aktor të jetojë dhe shpeshherë të mbijetojë në treg, në një kohë kur rrjetet sociale prodhojnë aq shumë komedi të vetëshpallur?
I ftuar në studion e Brikena Priftit, ai foli për këtë temë dhe më konciz dhe të drejtpërdrejtë se kaq, zor se mund ta kishim dëgjuar ndonjëherë.
“Budallain në fshat nuk e njihte njeri dhe doli Facebook-u, Instagram-idhe Tik Tok-u dhe u bë i pari i fshatit.
Unë kam një personazh në ‘Al Pazar’ çfarë ka ky të veçantë? Ky është budalla mo, çfarë thua! Të jesh budalla është titull sot”,- tha Llakaj. / vizionplus
