SHBA ka filluar dërgimin e ndihmave humanitare në Gaza, sipas dy zyrtarëve amerikanë.
Presidenti Joe Biden të premten kishte njoftuar se SHBA-ja do të fillonte fluturimet së shpejti pasi tha: ‘Ndihma që shpërndahet në Gaza nuk është aspak e mjaftueshme’.
Tre C-130 amerikanë hodhën furnizime humanitare mbi Gaza të shtunën, sipas një zyrtari amerikan, shkruajnë mediat e huaja, përcjell Telegrafi.
Sipas tij, u hodhën gjithsej 66 pako – 22 nga secili aeroplan.
Pakot ishin ushqime të hedhura për popullatën e Gazës – por nuk kishte ujë apo furnizime mjekësore./OraNews
