Një postim, ca mungesa dhe pikëpyetje: Ç’po ndodh me Arbanën pas Ferma VIP?
Menjëherë pas finales së “Ferma VIP 3”, në rrjet nisën të qarkullojnë aludime se diçka mund të ketë ndryshuar në raportin e Arbana Osmanit me projektin ose me drejtimin e sezonit të ardhshëm.
Shkëndija e parë erdhi nga postimi që Arbana bëri pas finales. Në mesazhin e saj falënderues, ajo përmendi në mënyrë të veçantë producenten Holta Dulaku, duke shkruar se ishte mirënjohëse për mundësinë që iu dha për të drejtuar spektaklin.
Ajo që u vu re ishte fakti se Holta nuk e komentoi, nuk e pëlqeu publikisht postimin dhe as nuk bëri një falënderim publik për Arbanën, ndryshe nga sa ishim mësuar të shihnim gjatë muajve të “Ferma VIP”, kur postimet e përbashkëta apo referencat mes tyre ishin të shpeshta.
Dyshimet u shtuan edhe më shumë kur Arbana dhe Eduarti nuk u panë në festën pas finales. Pak ditë më vonë, Arbana publikoi foto nga pushimet, duke dhënë përshtypjen se kishte zgjedhur të shkëputej menjëherë pas mbylljes së spektaklit.
Një tjetër detaj është emisioni Post Ferma VIP. Programi u prezantua nga Florian Agalliu, i cili ka qenë moderatori i “Ferma VIP Fan Club”. Kjo është paksa e pazakontë nëse bëjmë krahasimin me eksperiencën e Arbanës në “Big Brother VIP Albania”, ku ajo ka qenë fytyra kryesore e gjithë paketës së formateve që lidhen me spektaklin.
Po ashtu, në postimet “collaboration” që promovojnë Post Ferma VIP, nuk shfaqen Arbana dhe Eduarti dy emrat që konsideroheshin figurat kryesore të këtij edicioni. Sigurisht, kjo mund të lidhet thjesht me faktin se ata nuk janë të përfshirë në emisionin pas finales, por sërish është një detaj që nuk kalon pa u vënë re.
Ndërkohë, një tjetër kuriozitet gjendet në profilin e Arbanës në Instagram. Postimi i fiksuar në krye të faqes së saj vazhdon të jetë ai i finales së “Big Brother VIP Albania” në vitin 2023. Kanë kaluar tre vite dhe, të paktën deri tani, as “Mirëmbrëma Yje” dhe as “Ferma VIP” nuk e kanë zëvendësuar atë moment, gjë që duket si një tregues se ai mbetet ende një nga kulmet më të rëndësishme të karrierës së saj.
Edhe komentet në rrjet kanë ngritur dyshime. Disa njerëz janë të bindur se diçka ka ndodhur në prapaskenë, duke aluduar se Arbana nuk do të jetë më moderatore e “Ferma VIP 3”.
Sigurisht, ekziston edhe mundësia që pas një sezoni të gjatë dhe intensiv, Arbana thjesht të ketë zgjedhur të pushojë dhe të shkëputet për pak kohë nga televizioni. Megjithatë, të gjitha këto rastësi të mbledhura bashkë kanë bërë që situata të lërë vend për interpretime.
