Mjekët në grevë, qeveria i kërcënon: Kthehuni në punë ose do ju arrestojmë e do ju hiqet licenca!

Qeveria e Koresë së Jugut po kërcënon të ndërmarrë veprime ligjore kundër mijëra mjekëve të rinj që kanë dalë në grevë. Qeveria i ka kërcënuar se do t’u heqë licencat mjekësore nëse nuk kthehen në punë, madje edhe do te arrestohen.

Mjekët e rinj në Korenë e Jugut, të cilët prej ditësh janë në greve dhe kanë lënë ambientet e spitali bosh e pa shërbim, janë kërcënuar nga autoritetet qeveritare në koren e jugut, se nëse nuk kthehen në punë do të ketë arrestime dhe heqje licence.

Rreth tre të katërtat e mjekëve të rinj të vendit janë larguar nga puna gjatë javës së kaluar, duke shkaktuar ndërprerje dhe vonesa në operacionet në spitalet kryesore të mësimdhënies.

Mjekët praktikantë po protestojnë ndaj planeve të qeverisë për të pranuar në mënyrë drastike më shumë studentë të mjekësisë në universitete çdo vit, për të rritur numrin e mjekëve në sistem.

Koreja e Jugut ka një nga raportet më të ulëta mjek-pacient midis vendeve të zhvilluara dhe me një popullsi që plaket me shpejtësi, qeveria po paralajmëron se do të ketë një mungesë akute brenda një dekade.

Korridoret bosh të Spitalit të Shën Marisë në Seul këtë javë dhanë një paraqitje të shkurtër se si mund të duken ato në të ardhmen. Kujdesi shëndetësor në Korenë e Jugut është kryesisht i privatizuar, por i përballueshëm.

Çmimet e urgjencës, operacioneve që shpëtojnë jetë dhe kujdesit të specializuar janë vendosur shumë të ulëta, thonë mjekët, ndërsa trajtimet më pak thelbësore, si operacionet estetike, paguajnë shumë.

Kjo do të thotë se mjekët po zgjedhin gjithnjë e më shumë të punojnë në fusha më fitimprurëse në qytetet e mëdha, duke i lënë zonat rurale me staf të pamjaftueshëm./OraNews