Shenjat e molotovit dhe të kapsollave te shkallët dhe në muret e Kryeministrisë, çfarë ka ngelur në bulevard një ditë pas protestës

Shenja të molotovit në shkallë dhe në muret e Kryeministrisë janë ende të dukshme. Një ditë pas protestës së opozitës, shkallët e Kryeministrisë janë rrethuar, pasi do të duhet të pastrohen, ashtu si muret. Gazetari Osman Stafa në një lidhje live për News24 pohoi se ekspertët e kriminalistikës morën dje provat nga vendi i ngjarjes.

Dje pas mbylljes së fjalimit të ish-kryeministrit Sali Berisha, disa protestues u sulën përballë gardhit metalik dhe hodhën molotov, e shashka në drejtim të Kryeministrisë.

Nga incidenti i djeshëm nuk ka pasur policë të plagosur. Ndërkohë, 4 persona janë arrestuar dhe 6 persona po procedohen në gjendje të lirë./bw