Një ngjarje tronditëse ka ndodhur në Londër ku një burrë i vuri flakën vetes para kalimtarëve dhe policisë. Ngjarja ka ndodhur pas një mosmarrëveshjeje familjare, për të cilën policia ishte thirrur në vendngjarje. Pas aktit të vetëdjegies, policët dhe disa kalimtarë shpërndanë zjarrin duke përdorur shkumëzues zjarri dhe duke e mbuluar me një xhaketë.
Shërbimet e urgjencës, përfshirë Ambulancën e Londrës dhe Brigadën e Zjarrit të Londrës, mbërritën në vendin e ngjarjes dhe transportuan burrin në spital. Gjendja e tij nuk është e rrezikshme për jetën, por ka pasur edhe një oficer të policisë që ka pësuar djegie të lehta dhe është trajtuar në spital.
Policia ka njoftuar se një hetim është hapur për këtë ngjarje dhe është informuar edhe Zyra e Pavarur për Hetimet e Policisë/gsh
