Mos e teproni me pastrimin e duarve…
Me kalimin e moshës, mund të vëreni se duart tuaja bëhen më të thata dhe plasariten më lehtë. Ato gjithashtu mund të skuqen dhe të irritohen, të gjitha këto janë shenja të lëkurës të thatë. Plasaritjet mund t’i bëjnë shumë të dhimbshme edhe detyrat më të thjeshta të përditshme.
Lëkura e thatë njihet si xeroza. Shpesh është një pjesë e natyrshme e plakjes, megjithëse mund të jetë gjithashtu një shenjë e hershme e dermatitit. Ky acarim i lëkurës ka tre lloje dhe të gjitha ato shkaktojnë lëkurë të thatë, kruarje dhe ndonjëherë skuqje.
Por cilat janë shkaqet dhe si mund të parandalojmë çarjen e duarve? Çfarë e shkakton çarjen e duarve? Derisa njerëzit plaken, lëkura e tyre bëhet më e hollë dhe e thatë dhe prodhon më pak vaj. Dielli, era dhe elementë të tjerë bëjnë gjithashtu ndikimin e tyre.
Faktorët që mund të kontribuojnë në tharjen e duarve janë plakja, përdorimk i dezinfektuesve të duarve me bazë alkooli, moti i ftohtë, dermatiti, ekzema, larja e shpeshtë e duarve, lagështia, psoriaza 2, ndjeshmëria ndaj aromave ose përbërësve të tjerë kimikë në sapunë dhe pastrues.
Mos e teproni me pastrimin e duarve. Vishni doreza të papërshkueshme nga uji kur lani enët ose pastroni, vishni doreza jashtë në dimër ose kur punoni në kopsht. Shmangni shkumëzimin e sapunëve që përmbajnë detergjentë kimikë ose aroma artificiale. Zgjidhni pastrues të butë hipoallergjik të krijuar për lëkurë të thatë ose të ndjeshme. Qëndroni të hidratuar duke pirë shumë ujë ose çaj bimor.
