Aksidentohet në Dibër gazetarja Ledjona Xheladinaj, pëson frakturë në shtyllën kurrizore

Një aksident është regjistruar ditën e djeshme në fshatin Melan të Dibrës. Mësohet nga burime për Gazetën Shqip se nga ky aksident ka mbetur e plagosur gazetarja Ledjona Xheladinaj. Më tej bëhet me dije se gazetarja është aksidentuar me motor.

Për shkak të aksidentit, ajo ka pësuar frakturë në shtyllën kurrizore. Xheladinaj ndodhet nën kujdesin e mjekëve në spitalin e Traumës ndërsa gjendja e saj shëndetësore paraqitet stabël.

Pritet që ajo të qëndrojë nën monitorimin dhe kujdesin e bluzave të bardha për të parë ecurinë nëse do duhet apo jo ti nënshtrohet ndonjë ndërhyrjeje kirurgjikale. Ende nuk dihen rrethanat se si ka ndodhur aksidenti. 
Vetë gazetarja nuk ka reaguar lidhur me ngjarjen, por Egla Ceno ka bërë për të sot një status që i uron shërim të shpejt.