Në shumë vende evropiane, përfshirë Gjermaninë, imazhi stereotip i një taksie ka qenë prej kohësh një sedan i Mercedes-Benz.
Megjithatë, ky perceptim ka ndryshuar në mënyrë drastike vitet e fundit, dhe dominimi i Mercedesit në tregun e taksive po zbehet shpejt.
Sipas të dhënave, në Gjermani, shitjet e taksive të markës ranë me 71 për qind midis janarit dhe gushtit 2024 (497 njësi), krahasuar me të njëjtën periudhë të vitit 2023 (1730 njësi).
Kështu, 497 taksitë Mercedes të shitura në tetë muajt e parë të 2024 përfshinin 127 njësi të E-Class (një rënie prej 90 për qind) dhe vetëm një njësi të Klasës B, një rënie prej 95 për qind.
Minivan Vito ishte modeli i vetëm që ruajti disi popullaritetin e tij.
Në përgjithësi, pjesa e Mercedesit në tregun gjerman të taksive u zvogëlua nga 52 për qind dominuese në 2019 në 38 për qind në 2023.
Ndërkohë këtë vit, të dhënat theksojnë se do të bjerë në vetëm 13 për qind, pasi më shumë operatorë taksish do t’i drejtohen markave të tjera.
Dhe lideri i ri në tregun gjerman të taksive është Volkswagen, kryesisht për shkak të suksesit të furgonëve të tij Touran dhe Caddy.
Edhe Toyota tani shet më shumë taksi se Mercedes në Gjermani, me versione speciale të Corolla dhe RAV4. /SYRI.net
