Nga sot, e premte 22 shtator, zyrtarisht i japim lamtumirë verës pasi ekuinoksi vjeshtor do të ndodhë në hemisferën veriore. Në të njëjtën kohë, pranvera do të fillojë në hemisferën jugore.
Në ekuinoks, nata dhe dita kanë pothuajse të njëjtën gjatësi.
Më pas, në hemisferën veriore dita do të shkurtohet dhe nata do të zgjatet, derisa kjo e fundit të arrijë kulmin e saj në solsticin e dimrit të dhjetorit.
Si ekuinokset ashtu edhe solsticat ndodhin dy herë në vit dhe shënojnë fillimin e stinëve.
Që në kohët e lashta, në të gjithë gjatësinë dhe gjerësinë e Tokës, dukuri të tilla festoheshin nga popujt, të cilët u atribuonin atyre kuptime mitike. /vizionplus.tv
