Paparacët që ishin në vendngjarje fotografuan çiftin për herë të parë së bashku
Brad Pitt dhe Ines de Ramon kanë bërë paraqitjen e tyre të parë zyrtare publike në Çmimin e Madh të Britanisë të dielën. Paparacët që ishin në vendngjarje fotografuan çiftin për herë të parë së bashku.
Kjo është gjithashtu hera e parë që publikohen foto zyrtare të yllit të Hollywood me partneren e tij. 60-vjeçari shihet i veshur në nuancat e së bardhës, me një xhaketë të verdhë, ndërsa 34-vjeçarja ka veshur një fustan blu të hapur dhe syze dielli.
Mediat e huaja shkruajnë se romanca mes dyshes filloi në nëntor të vitit 2022. Që atëherë ata kanë vazhduar të jenë bashkë dhe ndërkohë që lidhja e tyre duket se po shkon mirë, të dy kanë zgjedhur të mbajnë më private lidhjen e tyre.
Ata rrallë dalin publikisht së bashku dhe kur e bëjnë, kujdesen të qëndrojnë larg bliceve të paparacëve dhe të mbajnë larg syrit të publikut jetën e tyre personale.
Ndërkohë kujtojmë se gjatë kësaj kohe, aktorit i duhet të menaxhojë çështjet ligjore të divorcit nga ish-bashkëshortja e tij, Angelina Jolie dhe problemet intensive me fëmijët e tij. Por për yllin 60-vjeçar, problemet e vazhdueshme ligjore dhe largimi nga fëmijët e tij vetëm sa kanë forcuar marrëdhëniet e tij me Ramon, sipas “DailyMail.com”./gsh
