“Djali po më mëson shumë gjëra”/ Eleni Foureira në një rrëfim për jetën dhe familjen: Më goditi një ditë në sy…

Këngëtarja me origjinë shqiptare, Eleni Foureira, ka folur së fundmi për karrierën, jetën dhe djalin e saj me Alberto Botian

Këngëtarja me origjinë shqiptare, Eleni Foureira, ka folur së fundmi për karrierën, jetën dhe djalin e saj me Alberto Botian.

Eleni ka dhënë një intervistë për mediat greke, ku ka rrëfyer se në jetën e përditshme, ajo është shumë më ndryshe nga ajo që njerëzit shohin në skenë.

“Mendoj se edhe të qenit në skenë është një rol. Me fjalë të tjera, nuk jam aq e zënë në jetë sa kur dal në skenë, e them sinqerisht. Ndihem supreme kur jam në skenë, ndihem sikur asgjë nuk më pengon”, ka thënë artistja.

Ndërsa e ndalur te familja dhe tek i biri, Eleni është shprehur se djali është një fëmijë me shumë energji dhe se shpesh herë ajo nuk ndihet e qetë për të.

“Nuk jam e qetë në jetën e përditshme me një fëmijë 16 muajsh. Mërkuri më ndjek, nuk mund të fle. Mendoj se ka vendosur të më çojë në kufi. Por, unë jam duke mësuar dhe duke u rritur me të. Unë jetoj me të ndjenjat më të bukura, intensive dhe të vërteta. Ai është një fëmijë që ka shumë energji, ka një perceptim të madh, në mbrëmje argëtohemi me babin e tij, por më vjen mirë që kam një fëmijë me energji që dëshiron të zbulojë botën”, ka treguar Foureira.

Po ashtu, ajo tregoi edhe arsyen pse nuk shkoi në ceremoninë e ndarjes së çmimeve të rekordeve Argyros.

Këngëtarja e famshme rrëfeu se humbi ceremoninë për shkak të një incidenti që kishte pësuar teksa luante më të birin, pasi ky i fundit e kishte goditur në sy.

“Duke u rritur me djalin tim, po mësoj gjëra të panjohura për veten time që nuk i dija, sa durim mund të kem, duke më goditur rastësisht në sy, gjë që më ndodhi një muaj më parë. Tashmë isha e ftuar diku dhe nuk shkova. Për Constantinos Argyrou. Një ditë para çmimit djali më goditi aksidentalisht me dorë, syri im u bë i tillë. Ishte një moment i mrekullueshëm, nuk reagova fare, për të kuptuar se si mund ta menaxhosh një situatë sikur të mos kishte ndodhur asgjë, përpara kësaj mund të isha çmendur. Ndodhi dhe falenderoj djalin tim, po mësoj shumë gjëra”, tha Eleni Foureira./gsh