Mijëra banorë janë larguar nga qarku San Joaquin në Kaliforni, pasi zjarri masiv që ka përfshirë vendin që nga e shtuna vijon të përhapet me shpejtësi. Rreth 14 mijë hektarë janë djegur deri këtë të hënë
Filloi si një zjarr i vogël që përfshiu barishtet në qarkun e San Joaquin në Kaliforni, por erdhi duke u zmadhuar dhe marrë përmasa tragjike që nga e shtuna pasdite.
Mijëra banorë janë detyruar të evakuohen, pasi rreth 14 mijë hektarë janë djegur ndërsa deri të dielën pasdite vetëm 30% e flakëve ishin vënë nën kontroll.
Disa nga zjarrfikësit kanë mbetur të plagosur gjatë përpjekjeve.
Por rreziku vijon të jetë i madh pasi mund të përhapen edhe më shpejt në zona të tjera, me erërat që vijojnë edhe të hënën sipas Shërbimit Kombëtar të Motit.
Zyrtarët kishin paralajmëruar kohët e fundit temperaturat e nxehta dhe bari i thatë janë problem që nxisin situatat e zjarreve, dhe Departamenti i Pyjeve në Kaliforni kishte urdhëruar pezullimin e djegieve të mbeturinave jashtë banesave.
Megjithatë mbi 1 mijë e 200 vatra masive në të gjithë shtetin janë raportuar deri tani këtë vit./oranews.tv
