Gjykata Ndërkombëtare e Drejtësisë (GJND) në Hagë do të marrë një vendim paraprak mbi juridiksionin në një çështje të ngritur nga Ukraina kundër Rusisë.
Gjykata më e lartë e Kombeve të Bashkuara pritet të vendosë nëse është e autorizuar për të hapur procedurën kryesore në këtë rast.
Ukraina paditi fqinjin e saj menjëherë pas pushtimit rus në shkallë të plotë në pranverën e vitit 2022, duke përmendur Konventën e Gjenocidit. Kievi akuzon Moskën për keqpërdorim të kësaj konvente.
Rusia fillimisht e justifikoi pushtimin e Ukrainës duke pretenduar se gjenocidi kundër rusëve në Ukrainë duhej të parandalohej.
“Me këtë akuzë të rreme, Rusia po shkel konventën”, tha më herët Ukraina.
Rusia i ka kundërshtuar me vendosmëri akuzat duke kërkuar që çështja të pushohet.
Ukraina mbështetet në çështje e saj përpara gjykatës së OKB-së nga 32 aleatë perëndimorë.
E njëjta gjykatë pushoi të mërkurën një çështje tjetër të ngritur nga Ukraina kundër Rusisë në vitin 2017 duke e liruar Rusinë nga akuza për financimin e terrorizmit në Ukrainën lindore.
Vendimet e GJND-së janë të detyrueshme, por gjykata nuk ka mjete për t’i zbatuar ato./Nga OraNews
