Gjimshiti kampion i Ligës së Europës, Atalanta mund Leverkusenin dhe ngre trofeun
Berat Gjimshiti është kampion i Ligës së Europës, pasi Atalanta e tij mundi 3-0 në finale Leverkusenin me tre gola të Lukman.
Kapiteni i Kombëtares shqiptare ngriti trofeun edhe si kapiten i Atalantës në këtë arritje fantastike.
Atalanta triumfon në finalen e parë europiane dhe çon në Itali trofeun e Europa League.
Skuadra e Gian Piero Gasperini mposhti me rezultatin 3-0 Bayer Leverkusen-in e Xabi Alonso-s, me Ademola Lookman që bëhet lojtari i parë në historinë e Europa League që shënon “hat-trick” në finale.
Lookman zhbllokoi takimin me golin e shënuar në minutën e 12’, teksa në minutën e 26’ po ai gjeti rrugën drejt rrjetës, duke dyfishuar avantazhin e italianëve.
Kjo përballje u vulos në minutën e 75’ kur Lookman shënoi golin e tretë personal dhe për ekipin e tij.
3-0 dhe Atalanta i jep fund ecurisë pa humbje të Leverkusen, me skuadrën e Xabi Alonso-s që bie për herë të parë këtë sezon, pas 51 ndeshjeve pa humbje./Top Channel
