Floriani është zgjedhur Kryefermeri për javën e ardhshme në “Ferma VIP”. Me shumicë votash nga fermerët, posti që më herët është mbajtur nga Buçko dhe Mariana, iu besua Florit.
“Jam realisht i surprizuar, iu jam mirënjohës të gjithëve dhe do të mundohem të bëj më të mirë. Faleminderit shumë të gjithëve”, tha ai.
Flori do të qëndrojë në “Njësh” për një javë, ku do të përfitojë nga privilegjet e kryefermerit.
Ai nuk zgjodhi dikë tjetër për të ‘bashkëjetuar’ me të. Floriani do të mund të shpreh dëshirat e tij tek Agai, duke nisur që nga ushqimi, të cilat do t’i plotësohen si pjesë e privilegjeve të këtij posti. / VizionPlus tv
