Enkel Demi është një nga opinionistët e “Ferma VIP” që deri më tani ka qenë transparent dhe i prerë në qëndrimet e tij.
E pikërisht, për shkak të këtyre qëndrimeve, Keli thotë se një pjesë e publikut e kundërshton, për shkak të tifozërive që kanë krijuar.
“Është e vështirë të jesh opinionist, është një pozicion që të ekspozon jo vetëm tek fermerët por edhe tek publiku. Publiku është kundër meje, sepse këtu je i detyruar të thuash atë që mendon, dhe ka persona që nuk e pëlqejnë atë që thua”, tha ai.
I pyetur nga gazetarja e “Vizionit të Pasdites” Seldina Selimi se kush është fermeri i preferuar deri në këtë pikë të lojës, Kel Demi tha:
“Janë vetëm dy javët e para, por unë jam me Besin”./vizionplus.tv
