“Të kanë pikasur, po të ruajnë!”/ Stelina rrëfen eksperiencën e frikshme: Më bastisën shtëpinë

Gjatë një rrëfimi të hapur në “Big Brother VIP Albania”, Stelina ka treguar një ngjarje të frikshme nga jeta e saj, që e detyroi të largohej menjëherë nga vendi ku jetonte, në Pisa të Italisë. Ajo ka përshkruar se si disa persona, të cilët i identifikoi si shqiptarë, e ndiqnin dhe e vëzhgonin në zonën ku banonte.
“Më kishin pikasur disa persona që ishin shqiptarë, në atë zonë ku jetoja unë. Kisha vënë re që më ndiqte një makinë ditët e fundit: ose rrinte e parkuar përpara shtëpisë, ose më priste pak më tutje, në hyrje të lagjes,” rrëfeu Stelina.
Në fillim, ajo nuk i dha rëndësi situatës, duke menduar se njerëzit mund të ishin thjesht banorë të lagjes që “rrinin për qejf”. Por paralajmërimi i një personi të afërt ndryshoi perceptimin e saj: “Kujdes, të kanë pikasur”, i tha ai.
Stelina zbuloi se dyshimet e tyre lidhnin përdorimin e rrobave që ajo blinte, të cilat ata mendonin se mund të shërbenin për aktivitete ilegale.
Situata u përkeqësua më tej kur Stelina gjeti shtëpinë e saj të bastisur, (sende të thyera) pasi kthehej nga blerjet. Për shkak të frikës, ajo mori vendimin drastik për t’u kthyer menjëherë për në Shqipëri. “Preva biletën në momentin e fundit dhe u nisa për në Shqipëri. Ika me idenë që do kthehesha sërish, të gjeja një shtëpi tjetër, por nuk u ktheva më kurrë nga frika,” rrëfeu ajo.
Ngjarja tregon pasojat reale dhe psikologjike që mund të kenë kërcënimet dhe ndjekja e individëve në jetën e përditshme. Për Stelinën, frika ishte aq e madhe sa ndikoi në vendimet e saj të jetës dhe e detyroi të braktiste shtëpinë dhe komunitetin ku ishte rritur.
Ky rrëfim i hapur i Stelinës në Big Brother VIP Albania ka ngjallur reagime të shumta, duke theksuar rëndësinë e sigurisë personale dhe mbrojtjes nga çdo formë kërcënimi në jetën reale, jashtë ekranit të televizionit.