“Më ka mbrojtur nga djemtë”, Benita flet për të ëmën dhe për kujdesin që kishte ndaj saj
Banorja e Big Brother VIP Kosova 4, Benita Zena, ka rrëfyer për kujdesin e veçantë që e ëma ka treguar ndaj saj që nga fëmijëria.
Ajo tha se nëna e saj ka qenë gjithmonë e përkushtuar dhe e vëmendshme ndaj çdo nevoje të saj.
“Nuk janë prindërit që nuk të rrinë gati, nëna ime në 3 të natës të thirr, Benitë… ajo më njeh mua se çfarë personi jam, por do ta di, do të jetë e sigurt ku jam, a kam nevojë për ndonjë gjë”, u shpreh ajo.
Shtoi se kujdesi i nënës së saj nuk është shfaqur vetëm në aspektin fizik, por edhe në edukimin dhe mbrojtjen e saj.
“Rolin e nënës time do ta bëj edhe te fëmija im. Shumë është kujdesur për mua, si në shkollë fillore si në shkollë të mesme”.
“Çdo ditë ka qenë në shkollë, më ka ruajtur se mos po më ngacmon dikush”, tha në vazhdim.
Banorja e përshkroi lidhjen me të ëmën si të veçantë, duke theksuar se përkushtimi dhe kujdesi i saj kanë lënë gjurmë të thella në jetën e saj dhe do të jenë shembull edhe për fëmijët e saj në të ardhmen. /Telegrafi/
