Avokati Jordan Daci: Nuk do të jem nesër në Gjykatën Kushtetuese për çështjen e Erion Veliajt. Ja pse!

Avokati Jordan Daci ka reaguar lidhur me çështjen që do të mbahet nesër në Gjykatën Kushtetuese, ndaj ish-kryebashkiakut të arrestuar të Tiranës, Erion Veliaj.

REAGIMI I AVOKATIT

Në përgjigje të interesit publik lidhur me angazhimin tim si mbrojtës i mundshëm i z. Veliaj para Gjykatës Kushtuese, pas një vlerësimi të kujdesshëm në përputhje me ligjin dhe Kodin e Etikës, konstatoj që jam në konflikt interesi për shkak të angazhimeve të mia dhe studios time ligjore në raste të tjera të mëparshme ende ne proces dhe shkaqe të tjera nga ato për të cilat ligji, etika dhe morali na detyrojnë të mos jem mbrojtës në raste si këto.

Për këto arsye bëj me dije që s’do jem mbrojtësi i tij para Gjykatës Kushtetuese në gjykimin e nesërm.