Një aksident i rëndë me pasojë vdekjen e një personi ka ndodhur pasditen e sotme në aksin rrugor Strum-Roskovec.
Ngjarja u regjistrua rreth orës 17:20, kur automjeti me drejtues shtetasin Fabio Dushku, është përplasur me një tjetër automjet, që drejtohej nga shtetasi Behar Cjapi, si dhe me një motomjet, që drejtohej nga Klajdi Hoxha, 33 vjeç, banues në Strum.
Si pasojë e përplasjes së fortë, ka humbur jetën drejtuesi i motomjetit.
Në vendngjarje kanë mbërritur shërbimet e Policisë dhe autoambulanca, ndërsa grupi hetimor po punon për sqarimin e plotë të rrethanave dhe shkaqeve të aksidentit tragjik.
Fier/Informacion paraprak
Rreth orës 17:20, në aksin rrugor “Strum-Roskovec”, automjeti me drejtues shtetasin F. D., është përplasur me automjetin me drejtues shtetasin B. C., dhe me motomjetin me drejtues shtetasin K. H., 33 vjeç, banues në Strum.
Si pasojë e përplasjes ka ndërruar jetë drejtuesi i motomjetit.
Grupi hetimor po punon për sqarimin e plotë të rrethanave dhe shkakut të aksidentit.
