E BUJSHME/ Gazetari i njohur i merkatos nën akuza, merrte para nga lojtarët në këmbim të…
Eksperti i njohur i merkatos, Fabrizio Romano duket se është nën akuza për marrje ryshfetesh në këmbim të lajmeve për lojtarë të ndryshëm.
Këtë gjë e ka bërë me dije media daneze “Tipsbladet”, e cila investigoi rreth një ngjarje për një lojtar të Kopenhagenit, me klubin që refuzoi vetë të gjitha gjërat e thëna nga Romano.
Pas investigimit të kryer, u zbulua se kompania “Memmo”, duke punuar si ndërmjetëse, do të ofronte shërbimet e saj për futbollistë të ndryshëm në mënyrë që në këmbim të një pagese, duke shkruar informacione të ndryshme në faqen e Romanos në “Twitter” dhe “YouTube” sipas dëshirës së lojtarëve.
Për momentin, nga ana e Fabrizio Romanos nuk ka asnjë reagim sa i përket kësaj ngjarjeje.
Po ashtu zbulohet se italiani ka refuzuar të japë dhe një intervistë për median e përmendur më sipër./OraNews
