Mbrëmje për të mos u humbur në Fermë, Iliri dhe Zhaku thyejnë rregullat, pritet vendimi i Agait
Nata e sotme e “Ferma VIP 3” pritet të sjellë një tjetër prime të mbushur me tension, surpriza dhe vendime që mund të ndryshojnë gjithçka në lojë vetëm pak javë para finales së madhe.
Mbrëmja e 19 prime rikthen në qendër të vëmendjes dy nga personazhet më të komentuar të ditëve të fundit, Inida Gjata dhe Ilir Shaqiri, të cilët kanë thyer sërish rregullat e fermës.
Këtë herë paralajmërimet janë më serioze se kurrë dhe publiku pret me interes vendimin e Agait, i cili pak ditë më parë paralajmëroi se çdo shkelje tjetër mund të çojë deri në përjashtim të menjëhershëm nga gara.
Ndërkohë, ethet e televotimit vijojnë të mbajnë 11 fermerët e nomunuar nën presion. Një tjetër emër pritet të lërë fermën, dhe të ndërpresë rrugëtimin drejt çmimit të madh.
Aleancat dhe debatet brenda fermës janë bërë edhe më të forta me afrimin e finales së 15 qershorit.
Publiku mbetet vendimtar për fatin e fermerëve, në një garë ku çdo deklaratë dhe çdo veprim po peshon më shumë se kurrë.
Gjatë kësaj jave nuk kanë munguar sfidat dhe lojërat e vendosura nga Agai. Fermerët janë përballur me sfida që testojnë aftësitë e tyre, duke dëshmuar dhe njëherë që çdo ditë në fermë është një sprovë.
