Elon Musk ka njoftuar se shumë shpejt do të nxjerrë platformën e tij enciklopedike onlike, Grokipedia duke rivalizuar Wikipedia.
Ai tha se përdoruesit do të hyjnë fillimisht në një version beta.
Njeriu më i pasur i botës shkroi në X se Grokipedia do të prezantohet brenda dy javësh dhe platforma do të jetë “burimi më i madh dhe më i saktë i dijes në botë pa kontroll qendror.”
Grokipedia synon të sjellë informacione që mund të përdoren nga njerëzit dhe modelet e Inteligjencës Artificiale.
Musk i inkurajoi përdoruesit e X që “t’i bashkohen xAI dhe të ndihmojnë në ndërtimin e Grokipedia” që do të shërbejë si një “magazinë e hapur dijeje që është shumë më e mirë se Wikipedia.”
