Temperaturat e larta mund të shkaktojnë mbinxehje, ulje të kapacitetit dhe shkurtime të jetëgjatësisë së baterive litium-jon, të cilat përbëjnë zemrën e shumicës së ‘power bank’-eve që përdoren për karikimin e pajisjeve elektronike.
Sipas ekspertëve, mbi 30°C mund të dëmtojë seriozisht këto pajisje, madje në raste ekstreme të çojë në ikje termike – një proces që mund të shkaktojë zjarr ose shpërthim. Shenjat e një ‘power bank’ të dëmtuar përfshijnë deformimin e kutisë, nxehtësinë e tepërt edhe kur nuk është në përdorim, si dhe tinguj apo aroma të pazakonta si ajo e plastikës së djegur.
Specialistët këshillojnë shmangien e ekspozimit direkt në diell, moslënien e pajisjes në automjete të nxehta, si dhe përdorimin dhe karikimin në ambiente të freskëta. Kontrolli i rregullt i gjendjes së baterisë mund të parandalojë incidente të rrezikshme dhe të zgjasë jetëgjatësinë e saj.
