Trump kërkon të blejë Groenlandën, qeveria daneze akordon 1.5 bilion dollarë investime: Koha e njoftimit është thjesht rastësi
Qeveria daneze ka njoftuar një rritje të madhe në shpenzimet e mbrojtjes për Groenlandën, disa orë pasi presidenti në rikthim, Donald Trump, shprehu dëshirën e tij për të blerë territorin e Arktikut.
Ministri danez i Mbrojtjes, Troels Lund Poulsen tha se paketa ishte rreth 1.5 bilion dollarë. Ai e përshkroi kohën e njoftimit si një “ironi të fatit” pasi të hënën Trump tha se pronësia dhe kontrolli i ishullit ishte një domosdoshmëri absolute për SHBA-në.
Groenlanda, një territor autonom danez, është shtëpia e një objekti të madh hapësinor të SHBA-së dhe është strategjikisht e rëndësishme për SHBA-në pasi shtrihet në rrugën më të shkurtër nga Amerika e Veriut në Evropë. Përveç kësaj ka rezerva të mëdha minerale.
Poulsen tha se paketa do të lejonte blerjen e dy anijeve të reja të inspektimit, dy dronëve të rinj me rreze të gjatë dhe dy ekipeve qensh për transportin me slita. Buxheti gjithashtu do të përfshijë fonde për rritjen e personelit në Komandën e Arktikut në kryeqytetin Nuuk dhe një përmirësim për një nga tre aeroportet kryesore civile të Groenlandës për avionët luftarakë supersonikë F-35.
“Ne nuk kemi investuar mjaftueshëm në Arktik për shumë vite, tani po planifikojmë të jemi më të pranishëm në Groenlandë” tha Poulsen.
Kryeministri i Groenlandës, Mute Egede iu përgjigj komenteve të Trump, duke thënë: “Ne nuk jemi në shitje”. Por ai shtoi se Groenlanda duhet të vazhdojë të jetë e hapur për bashkëpunim dhe tregti, veçanërisht me fqinjët e tyre./Top Channel
