Të paktën 10 persona humbën jetën kur një aeroplan i vogël u rrëzua në qytetin jugor brazilian të Gramado të dielën, raportoi CNN.
Sipas autoriteteve zyrtare braziliane, aeroplani u përplas me disa ndërtesa, duke shkaktuar dëme të mëdha dhe duke lënë mbi një duzinë të lënduar.
Mbrojtja Civile e Rio Grande do Sul konfirmoi se të paktën 17 persona u plagosën në aksident Dy persona raportohet se janë në gjendje të rëndë, me djegie të shumta.
Përplasja ndodhi pak pasi aeroplani u ngrit nga aeroporti lokal, sipas Mbrojtjes Civile Kombëtare.
Aeroplani fillimisht u përplas me oxhakun e një ndërtese përpara se të përplasej me një shtëpi banimi dhe më pas të godiste një dyqan mobiljesh. Mbetjet nga përplasja goditën gjithashtu një han, raportoi CNN.
Pamjet video nga vendi i ngjarjes treguan pasojat, me flakë dhe tym që dilnin nga rrënojat dhe mbeturinat e shpërndara që mbulonin zonën.
Autoritetet lokale kanë shprehur shqetësimin se në bordin e avionit nuk kishte të mbijetuar. Guvernatori i Rio Grande do Sul Eduardo Leite tregoi se raportet fillestare sugjerojnë se pasagjerët e avionit nuk mbijetuan.
Informacionet paraprake tregojnë se aeroplani mbante 10 persona, por është e paqartë nëse të gjithë viktimat ishin pasagjerë apo përfshinin individë në tokë./OraNews
