“Dua ta shoh të lumtur”/ Shkurte Fejza propozon një koncert madhështor për Parashqevi Simakun

Këngëtarja e njohur, Shkurte Fejza, ka ndarë në rrjetet sociale një video të një prej interpretimeve më të spikatura të Parashqevi Simakut

Këngëtarja e njohur, Shkurte Fejza, ka ndarë në rrjetet sociale një video të një prej interpretimeve më të spikatura të Parashqevi Simakut në Festivalin e Këngës, duke shoqëruar postimin me një mesazh prekës.

“Kështu e kujtoj Parashqevi Simakun dhe dua ta shoh të lumtur dhe të kthyer në jetë”,shkruan Shkurte Fejza.

Më pas këngëtarja shton ‘që të bëjmë diçka për të, nëse është e vërtetë ajo që shkruhet’.

“Të bëjmë diçka për të, nëse është e vërtetë ajo që shkruhet në media. Ta organizojmë një koncert të madh dedikuar Parashqevi Simakut”, vazhdoi më tutje këngëtarja e njohur.

Mesazhi i Shkurte Fejzës ka ngjallur një valë mbështetjeje nga artistë dhe admirues të shumtë të muzikës shqiptare.

Propozimi i saj për një koncert madhështor për të nderuar dhe ndihmuar Simakun është konsideruar një ide e shkëlqyer, që mund të shërbejë jo vetëm si një ndihmë e drejtpërdrejtë për këngëtaren, por edhe si një akt i fuqishëm solidariteti kombëtar./gsh