Po tentonte të kalonte trafikndarësen, makina përplas për vdekje të moshuarin në Lushnjë
Një aksident i rëndë ka ndodhur mëngjesin e sotëm në Lushnjë, ku një person ka ndërruar jetë.
Mësohet se ngjarja ka ndodhur në Bypass-in, pranë një mbikalimi që lidhë qytetin me pjesën perëndimore, teksa viktima është 79-vjeçari Avdulla Ferhati.
moshuari është përplasur nga një makinë, teksa po tentonte të kalonte mbi trafikndarësen.
Njoftimi i policisë:
Fier/ Informacion paraprak
Rreth orës 08:20, në aksin rrugor “Lushnjë-Rrogozhinë”, shtetasi H. F., 27 vjeç, duke drejtuar automjetin, ka përplasur këmbësorin, shtetasin A. F., 79 vjeç.
Si pasojë e përplasjes shtetasi A. F., ka ndërruar jetë në vendngjarje.
Drejtuesi i automjetit, shtetasi H. F., u shoqërua në Komisariat për veprime të mëtejshme.
Grrupi hetimor ndodhet në vendngjarje dhe po punon për sqarimin e plotë të rrethanave të aksidentit./OraNews
