Përdorimi i celularëve nuk mund të rrëzojë avionin, ja pse duhet të aktivizoni ‘airplane mode’ gjatë fluturimit

Një pilot ka shpjeguar arsyen e vërtetë pse pasagjerët duhet të aktivizojnë modalitetin e avionit ose siç quhet ‘airplane mode’ gjatë fluturimit në telefonin e tyre, një kërkesë që shpesh harrohet ose injorohet, edhe pse ka një arsye të rëndësishme për të. Në një video të shpërndarë, që ka pasur mbi 400,000 shikime, piloti ka adresuar disa mite dhe teorira të gabuara rreth përdorimit të telefonëve gjatë fluturimit.

Pavarësisht spekulimeve se përdorimi i telefonëve mund të shkaktojë rënie të avionëve, piloti e siguron publikun se kjo nuk është e vërtetë. Ai shpjegon se telefonat nuk kanë fuqi për të shkaktuar ndonjë rrezik të tillë dhe nuk ndikojnë në sistemet e avionit. Sidoqoftë, ai thekson se ka një arsye tjetër përse duhet të aktivizohet modaliteti i avionit: telefoni mund të shkaktojë interferenca me kufjet e pilotëve.

Në rast se pasagjerët nuk e aktivizojnë modalitetin e avionit, telefonat mund të përpiqen të lidhen me stacione bazë për të marrë thirrje ose mesazhe, dhe këto valë radio mund të ndikojnë në sistemet e komunikimit të avionit. Piloti tregon se kjo mund të krijojë një zhurmë të bezdisshme në kufjet e pilotëve, e cila mund të pengojë përqendrimin gjatë udhëzimeve të rëndësishme.

Ai ndan një shembull konkret nga një fluturim të fundit, kur ndërsa po merrte udhëzime për drejtimin që duhej të ndiqte, dëgjonte një zhurmë të padëshiruar përmes kufjeve. Sidoqoftë, ai sqaron se ky është një shqetësim i vogël, por mund të jetë shumë bezdi kur kërkohen udhëzime të rëndësishme.

Komente nga përdoruesit e TikTok kanë treguar se ata janë befasuar nga ky informacion, dhe disa sugjerojnë që kjo duhet të komunikohet më shpesh nga piloti nëpërmjet altoparlantëve për t’i bërë pasagjerët të ndërgjegjshëm. Megjithëse nuk ka pasur asnjë aksident ajror që lidhet drejtpërdrejt me telefonat celularë, përdorimi i tyre mund të shkaktojë interferenca me sistemet e avionit, duke e bërë më të vështirë menaxhimin e fluturimit nga piloti dhe kontrollorët ajrorë./LIVING