“Vajza, kujdes me meshkujt”/ Këngëtarja shqiptare shokon me rrëfimin për ish-partnerin: Nuk është krijesë

Fjolla Morina ka shpërthyer në një rrëfim emocional, duke ndarë përvojat e saj të hidhura dhe pasojat psikologjike që ka përjetuar pas marrëdhënies me ish-bashkëshortin e saj, Fisnik Syla.

Në një intervistë të bërë së fundmi, këngëtarja ka treguar se ka qenë në terapi për një periudhë të gjatë, ndërsa ka kaluar edhe një fazë të rëndë depresioni, që ka pasur pasoja të dukshme në shëndetin e saj fizik, duke arritur deri në një humbje drastike peshe prej 40 kilogramësh.

Fjolla ka zbuluar se ka kaluar një periudhë shumë të vështirë pas ndarjes dhe ndikimin negativ të ish-partnerit të saj, duke theksuar se përjetimet e saj nuk kanë qenë vetëm materiale, por kanë përfshirë edhe anën shpirtërore, psikologjike dhe fizike. Ajo ka treguar se ka humbur gjithçka, përfshirë pasurinë, dhe ka fjetur në rrugë për një kohë, duke u detyruar të ndërtonte jetën e saj nga e para. Fjolla shprehu se çdo gjë që ka kaluar ka qenë një goditje e rëndë për të dhe për karrierën e saj.

Në lidhje me arrestimin e saj, Fjolla e shpjegon atë si një nga shkaqet kryesore të gjendjes së saj të keqe emocionale. Ajo ka deklaruar se presioni, mbyllja dhe shantazhet nga personi në fjalë, si dhe energjia negative që ai ka shpërndarë, e kanë përkeqësuar më tej situatën.

”Njerëzit mund të kenë përjetuar aspektin material, por unë kam përjetuar çdo gjë tjetër, shpirtërisht, psikologjikisht dhe fizikisht. Nuk mund ta quaj atë një krijesë, sepse ai ka bërë gjëra të pamëshirshme”
– tha Fjolla, duke paralajmëruar gjithashtu vajzat për t’u kujdesur me meshkujt në jetën e tyre.

Ky rrëfim i dhimbshëm nga Fjolla Morina ndihmon për të kuptuar thellësisht pasojat e dhunës emocionale dhe psikologjike dhe ndikimin e saj tek individët që e përjetojnë./TEMA