Për të fjetur si qingj, zbatoni këto metoda përpara se të shtriheni për të fjetur!

Ndërsa një studim tjetër nga “Universiteti i Kalifornisë”, Berkeley tregoi se humbja e vetëm një ore gjumë në natë mund…

Një punim, i paraqitur në “Shoqatën Evropiane të Kardiologjisë”, zbuloi se shtatë në 10 sulme në zemër ose goditje të përjetuara nga ata mbi 50 vjeç mund të parandaloheshin nëse të gjithë do të bënin një gjumë të mirë të natës. Ndërsa një studim tjetër nga “Universiteti i Kalifornisë”, Berkeley tregoi se humbja e vetëm një ore gjumë në natë mund të dobësojë pjesën e trurit që inkurajon sjelljen sociale, duke na bërë më egoistë dhe nervoz.

Megjithatë, një test gjumi, i krijuar nga “National Health Service”(NHS) mund të diagnostikojë problemin tuaj të gjumit dhe t’ju japë këshilla për t’ju ndihmuar të flini më mirë. Së pari, testi do t’ju bëjë pyetje për cilësinë dhe kohëzgjatjen e gjumit tuaj, për të zbuluar se çfarë problemi mund të keni me gjumin. Më pas do t’ju tregojë nëse duhet të vizitoni mjekun tuaj të përgjithshëm dhe ai do t’ju ofrojë një listë me këshilla praktike.

Çfarë është pagjumësia dhe cilat janë simptomat?

Pagjumësia përkufizohet nga NHS si ‘vështirësi për të fjetur ose për të qëndruar në gjumë për një kohë të gjatë sa të ndjeheni të freskët mëngjesin tjetër’. Simptomat e pagjumësisë përfshijnë vështirësinë për të fjetur, qëndrimin zgjuar për një kohë të gjatë gjatë natës, zgjimin disa herë çdo natë dhe të mos ndjeheni të freskët kur ngriheni.

Pavarësisht nga lodhja e tyre, të sëmurët mund ta kenë të vështirë të dremisin gjatë ditës dhe mund të kenë vështirësi të përqendrohen ose të bëhen më nervoz se zakonisht për shkak të mungesës së gjumit. Për disa njerëz, periudhat e herëpashershme të pagjumësisë do të vijnë dhe do të shkojnë, ndërsa të tjerët mund ta kenë atë për muaj apo edhe vite me radhë.

Çfarë e shkakton pagjumësinë?

Nuk është gjithmonë e qartë se çfarë e shkakton pagjumësinë, por stresi dhe ankthi janë shkaktarë të zakonshëm. Një mjedis i dobët i gjumit, si një shtrat i pakëndshëm ose një dhomë gjumi e zhurmshme, mund të jetë gjithashtu një shkak. Përndryshe, faktorët e stilit të jetesës si vonesa në avion, puna me turne ose pirja e alkoolit para gjumit mund t’ju ndalojnë të bëni një gjumë të mirë.

Cilat mjete ndihmëse për gjumë ekzistojnë për të mposhtur pagjumësinë?

Nëse keni pagjumësi, mund t’ju ndihmojmë me disa truke të thjeshta për t’u rikthyer në rutinën normale të gjumit. NHS këshillon që personat me pagjumësi të provojnë këshillat e mëposhtme për një gjumë të mirë natën:

Shkruani një listë të shqetësimeve tuaja dhe çdo ide se si t’i zgjidhni ato, para se të shkoni në shtrat për t’ju ndihmuar t’i harroni ato deri në mëngjes

Vendosni orare të rregullta për të shkuar në shtrat dhe për t’u zgjuar

Relaksohuni para gjumit, provoni të bëni një banjë të ngrohtë ose të dëgjoni muzikë qetësuese

Përdorni perde të trasha, një maskë sysh dhe tapa veshësh për të mos ju zgjuar nga drita dhe zhurma

Shmangni kafeinën, nikotinën, alkoolin, vaktet e rënda dhe ushtrimet fizike për disa orë para se të shkoni në shtrat

Mos shikoni televizor ose mos përdorni telefona, tableta ose kompjuterë pak para se të shkoni në shtrat

Shmangni dremitjen gjatë ditës/gsh