Suedia, Norvegjia, Danimarka dhe Finlanda po këshillojnë banorët e tyre që të përgatiten për t’u përballur me eventualitetin e një lufte ose kriza të tjera të papritura, raporton BBC. Mbrojtja civile norvegjeze dhe finlandeze shpërndau së fundmi broshura me rekomandime dhe, këtë të hënë, miliona suedezë kanë filluar të marrin kopje të një broshure që udhëzon popullatën se si të përgatitet dhe të përballet në rast lufte ose krize të tjera.
Broshura “Nëse vjen kriza ose lufta” janë përditësuar dhe tani janë dyfishi i madhësisë së paralajmërimeve të botuara gjashtë vjet më parë. Ministri suedez i Mbrojtjes Civile kishte paralajmëruar tashmë se bota është ndryshe dhe lufta mund të vijë në vend. Prandaj, informacioni është përditësuar në rast të një krize apo lufte në Suedi.
Hera e fundit që u shpërnda një fletëpalosje e tillë ishte gjashtë vjet më parë, raporton BBC.
Një nga rekomandimet më të rëndësishme është të keni mjaftueshëm ushqim dhe ujë të pijshëm për të paktën tre ditë. Lista e ushqimeve përfshin patate, lakër, karrota, vezë, kanaçe me salcë Bolognese dhe supa me boronica dhe trëndafila./LIVING
