“Punoj si DJ”, burri i verbër dhe me 3 fëmijë mahnit Taulant Sadira: Ja se si jetoj
Taulant Sadiraj ishte i ftuari i veçantë i rubrikës “Pa filtra” pjesë e “E Diell” në Top Channel. I verbër me tre fëmijë, ai mahniti studion se si jeton dhe puna e tij si DJ.
“Punoj si DJ, jam rritur me muzikë që i vogël. Në atë kohë dëgjoja muzikë me kaseta. Përveç punës si DJ, jeta ime është kjo: në mëngjes çoj fëmijët në shkollë, shkoj në studio, ndërsa pasdite kthehem i marr nga shkolla. Jeta jonë është… fëmijët. Gruan e kam pasur në lagje, një ditë të bukur dola për gjueti…
Unë jam verbuar në moshën 5 vjeç nga temperatura e lartë. Mjekët kanë thënë që është e pamundur që të më kthehet shikimi. Më pyesin se si ia del një person i verbër të bëjë gjithë këto gjëra. Ndaj jam këtu sot. Një person me aftësi ndryshe, nëse ka dëshirë e kurajo mund të bëjë më shumë gjera se një person normal”, tha ai ndër të tjera./OraNews
