Shmanget tragjedia/ Përplasen 11 makina na autostradë, mes tyre edhe autoboti me gaz, pesë të plagosur

Pesë persona u plagosen në një aksident të shumëfishtë në autostradën që lidh Athinën me Korinthin në Greqi.

Sipas policisë lokale aksidenti ndodhi për shkak të një parakalimi të gabuar të një autoveture e cila fillimisht goditi një tjetër makinë dhe në vazhdim mbi të ranë edhe  11 mjete të  tjera, mes tyre edhe një autobot transporti plot me gaz natyral.

Edhe pse goditja ishte e fuqishme, nuk pati rrjedhje gazi duke shmangur një tragjedi.

Në vendngjarje kanë mbërritur ambulancat të cilat dërguan në spital të plagosurit.

Hetimet lidhur me ngjarjen i ka marrë përsipër drejtoria e policisë rrugore e zonës Megara./Top Channel