”Të të marrin ‘peng’ për një vend pune”, Jola Hysaj nxjerr bisedën: Do më gjesh 3 votues kudo ku jetojnë në botë se ma kërkon puna

Sekretarja për Marrëdhëniet me Publikun në Partinë Demokratike, Jola Hysaj përmes një postimi në rrjetet sociale ka publikuar një bisedë ku një person kërkon votues nga Diaspora pasi sipas saj ia kërkojnë në punë.

Postimi:

Të të marrin “peng” për një vend pune jo vetëm ty që punon por dhe gjysmën e farefisit, ndërkohë që vetë “naltëmadhnia” nuk ka lënë njeri të fisit të kabinetit pa bërë patronazhist.
E ju thoni pse protestojmë?

A ndiheni të lirë kur monitoroheni nga mëngjesi në mbrëmje?
A ndiheni të lirë teksa i’u vënë në pozita të vështira nga mëngjesi në mbrëmje në takoheni me një opozitar, apo një i tillë është pjesë e fisit tuaj?

Kur persekutimi social dhe ekonomik kalon te buka e gojës se fëmijës tënd, nënës e babës, farefisit e gjithë shoqërisë, ti zgjedh të nënshtrohesh nga ky regjim kontrollues, totalitar?
Zgjohuni sa nuk është VONË!

Mos lejoni që nevoja juaj t’ju cojë në nëpërkëmbjen e dinjitetit dhe të drejtave tuaja. Nevoja për të mbijetuar është bërë e madhe, por nuk mund të shesësh shpirtin.

Zgjohu sot se nesër s’do ketë më kthim pas./OraNews