Ajo e kuptoi se burri i saj po e tradhtonte nga era e kanellës. Kjo histori deri diku e pabesueshme është rrëfimi i Aubrey, një grua 35-vjeçare e cila tregon se pas 10 vitesh martesë burri i saj e tradhtoi me pronaren e furrës së bukës.
Letra e Aubrey:
Dua të ndaj historinë time se si zbulova se burri më tradhtonte.
Unë dhe Marku kishim 10 vjet martesë ai ishte njeriu i parë me të cilin u dashurova . Marku ka qenë gjithmonë një person shumë i vështirë për t’u përballuar, shumë i fshehtë, por unë e doja me gjithë zemër dhe kisha një besim të jashtëzakonshëm tek ai si partner. Unë kurrë nuk dyshova në besnikërinë e tij deri kur Marku filloi të sillej në një mënyrë shumë të pazakontë. Kishte një sjellje që nuk mund t’a anashkaloja. Duke e njohur për më shumë se 10 vjet, kuptova qartë se ndryshimi tek ai ishte masiv.
Fillova të dyshoja se burri im ka një lidhje për 2 vitet e fundit. Por nuk munda ta provoja. Komploti i tij ishte i nivelit të lartë. Një ditë, ai erdhi nga puna dhe e putha si zakonisht. Menjëherë pas puthjes, fillova të vjell dhe pas 30 minutash fillova të kollitesha rëndë. Në fillim nuk e lidha puthjen me shfaqjen e këtyre simptomave. Besojeni ose jo nga analizat kuptova që kisha një reaksion alergjik ndaj të dashurës së së burrit tim.
Unë jam alergjike ndaj kanellës dhe të gjithë anëtarët e familjes sime, përfshirë burrin tim, e dinë këtë. Në shtëpinë tonë nuk ka pasur as edhe një grimë të vogël kanellë. Për më tepër, Marku nuk ka qenë asnjëherë adhurues i kanellës. Pra, ka qenë gjithmonë e lehtë për ne të dy të mbajmë një mjedis pa alergjen për mua në shtëpinë tonë. Kanella ishte e vetmja gjë ndaj të cilës kam një alergji e rëndë. Dhe unë isha në mëdyshje se nga vjen shkaktari i alergjisë kur në shtëpi nuk mbanim kanellë.
Fillova të mendoj dhe e lidha puthjen dhe reaksionin alergjik dhe arrita në përfundimin se burri im po konsumonte diçka që përfshinte kanellë dhe kur unë e puthja më krijohej alergji. Ishte e çuditshme, sepse siç thashë ai nuk ishte një adhurues i kanellës aq më tepër që ai e dinte për alergjinë time.
M’u kujtua menjëherë një furrë e vogël pranë zyrës së Markut dhe një grua e bukur që ishte pronarja e kësaj furre buke. Kur vizitoja zyrën e Markut, gjithmonë kaloja pranë kësaj furre buke dhe e shihja këtë grua që rrinte rrotull duke buzëqeshur.
Kanellë, furrë buke, një pronare furre elegante, vendndodhja e furrës së bukës afër zyrës së Markut.
Të gjitha këto formuan menjëherë një enigmë të zgjidhur në kokën time. Unë u përballa me burrin tim pikërisht atë ditë kur kuptova se kush ishte e dashura e tij. I bëra një pyetje të drejtpërdrejtë, e cila ndoshta nuk kishte nevojë as për një përgjigje dhe ai me një zë të dridhur konfirmoi se kishte një lidhje me atë grua. Ai më pyeti se si unë arrita ta zbuloi.
Para se ai të vinte në shtëpi ndalonte dhe konsumonte produkte me kanellë.
“Historia ime mund të duket e trashtë për shumë njerëz, por duhet të rrëfej se ndihem plotësisht e lehtësuar, e lumtur dhe e lirë, tani që e di të vërtetën. Të jetoja për 2 vite me dyshime dhe të mos provoja asgjë po më hante nga brenda. Tani jam e lirë dhe jam gati për një dashuri të re, të madhe dhe të sinqertë në jetën time.”- shkruan Aubrey për bright side/dritare.net
