E RËNDË NË SHKODËR/ Ndërhyn për të ndalur dhu*nimin e familjarëve, 30-vjeçari i ngul thi*kën policit

Kundërshtoi me dhunë policinë dhe dë mtoi lehtë me thikë një polic shoqërohet 30-vjeçari, Petrit Isaj.

Policia shkoi në banesën e 30-vjecarit pasi mori njoftimin për një rast dhune në familje

Njoftimi i Policisë:

Shkodër/Informacion paraprak Rreth orës 20:15, Patrulla e Përgjithshme ka shkuar  në lagjen “Guerile”, pasi ka marrë njoftim për një rast dhune në familje. 

Në momentin që punonjësit e Policisë kanë shkuar te banesa e shtetasit P. I, 30 vjeç, (person me precedent kriminal), ky shtetas ka kundërshtuar me dhunë punonjësit e Policisë  dhe  ka dëmtuar lehtë me mjet prerës (thikë), në dorë dhe fytyrë një nga  punonjësit e Patrullës së Përgjithshme, Inspektor K. Ç.

Në mbështetje të Patrullës së Përgjithshme ka shkuar dhe një tjetër Patrullë e Përgjithshme duke neutralizuar shtetasin P. I, i cili u shoqërua në spital nga ekipi i urgjencës së spitalit i shoqëruar nga Patrulla e Përgjithshme.

Pas kryerjes së injeksionit qetësues 30-vjeçari është shoqëruar në Komisariatin e Policisë Shkodër për veprime të mëtejshme. 

Grupi hetimor nën drejtimin e Prokurorisë po vijon veprimet për sqarimin rrethanave dhe dokumentimin ligjor të rastit.