Aktori i njohur Daniel Craig ka deklaruar se gjatë karrierës së tij të gjatë ka luajtur në disa skena seksi “të tmerrshme”. Ai filmoi skena intime me Sienna Miller, Eva Green, Monica Bellucci, Lea Seydoux dhe shumë personalitete të tjera. Mes tyre është edhe gruaja e tij Rachel Weisz. “Kam filmuar disa skena seksi mjaft katastrofike në karrierën time. Të gjithë mund t’i shohin ato,”-tha ai, por nuk donte të tregonte se me kë ka kaluar kaq keq.
Për filmin e ri “Queer” me regji të Luca Guadagnino, i cili u bazua në romanin me të njëjtin emër të William S. Burroughs, ai xhiroi skena homoseksuale. Ai ka deklaruar se janë munduar ta tregojnë sa më natyrshëm. Seksi është i mrekullueshëm dhe i komplikuar. Shpresoj se kemi arritur ta shfaqim në ekran, sepse ndodh në dhomën e gjumit”-tha ai. Ai shtoi se nuk do të kishte bërë “Queer” kur ishte James Bond, jo për shkak të skenave seksuale, por sepse thjesht nuk do të kishte pasur kohë. “Kam punuar në projekte të tjera gjatë xhirimeve të Bond, por më pas u ndala. Më duhej të përqendrohesha vetëm në një punë”-tha ai.
Së fundmi aktori i njohur ka pranuar se e urrentevëmendjen që iu dha pasi luajti si James Bond në vitin 2006 dhe ende e mendon si diçka të panjohur famën edhe pas gjithë këtyre viteve. 54 vjeçari u shpreh se:
Dikur e urreja, por mendoj se ishte fama që nuk më pëlqente. Më duhej të mësohesha me të qenit i famshëm, gjë që është ende e huaj për mua edhe tani. Të gjithë më urrenin mua.
Ylli i dha lamtumirën rolit në “No Time To Die” të vitit 2021. Daniel është shfaqur gjithashtu në “Knives Out” (2019) së bashku me Chris Evans, Ana de Armas dhe Jamie Lee Curtis dhe do të rikthehet në vazhdimin e filmit për shkak të premierës në fund të muajit të ardhshëm. Craig u nderua së fundmi nga Princesha Mbretërore në Kështjellën Windsor në njohje të kontributit të tij të jashtëzakonshëm në film dhe teatër./gsh
