Zjarri shkatërrues që dogji 1300 makina! Si një Range Rover shndërroi parkingun në “FERR”
Një zjarr shkatërrues shpërtheu në aeroportin e Lutonit, duke shkaktuar dëme të mëdha dhe panic mes pasagjerëve.
Një zjarr shkatërrues shpërtheu në aeroportin e Lutonit, duke shkaktuar dëme të mëdha dhe panic mes pasagjerëve.
Zjarri u nis nga një Range Rover Sport i kuq, i cili kishte hyrë në parking orës 20:42. Pamjet e kamerave të sigurisë tregojnë se në momentin e hyrjes, doli tym nga motori i tij, një shenjë e parë se diçka nuk shkonte. Pak minuta më vonë, zjarri filloi të përhapej me shpejtësi, duke prekur së pari disa automjete të tjera.
Kur ekipet e zjarrfikësve mbërritën rreth orës 20:55, zjarri kishte prekur tashmë disa makina, dhe situata shpejt u bë kaotike. Deri në orën 21:07, ishin të paktën gjashtë automjete të djegura, ndërsa flakët vazhdonin të përhapeshin me shpejtësi për shkak të erës që frynte.
Në përfundim, më shumë se 1,300 automjete u shkatërruan, duke e bërë këtë incident një nga më të mëdhenjtë në historinë e Shërbimit të Zjarrfikësve dhe Shpëtimit të Bedfordshire. Hetuesit zbuluan se Range Rover-i ishte një makinë me naftë, duke e hedhur poshtë ndonjë teorinë se një makinë hibride ose elektrike mund të ishte shkaktari i zjarrit.
Pas hetimeve, ekspertët sugjeruan se instalimi i sistemeve spërkatës do të kishte ndihmuar në frenimin e përhapjes së flakëve dhe kërkuan që këto masa të bëhen të detyrueshme për parkingjet, duke e theksuar nevojën për përmirësimin e sigurisë në infrastrukturën e parkingut në të ardhmen.
Zjarri në Luton nxori në pah rreziqet që lidhen me parkimin e automjeteve dhe rëndësinë e sistemeve të shuarjes së zjarrit për të mbrojtur jetët dhe pronat e qytetarëve.//DailyMail
