“Tradhtar serial, gënjeni botën”, vajza transgjinore e Musk sulmon rëndë të atin, i nxjerr të palarat sheshit: M*t nacionalisti…

Vajza transgjinore e Elon Musk ka nisur një sulm kundër babait të saj me postime të njëpasnjëshme në platformën Threads, me të cilat në thelb përpiqet të zbërthejë imazhin që manjati i teknologjisë projekton për veten dhe jetën e tij.

Vivian Wilson, 20 vjeç , e përshkroi babanë e saj 53-vjeçar si një tradhtar bashkëshortor, gënjeshtar dhe hipokrit.

Duke iu referuar skandaleve të karakterit personal dhe profesional nga e kaluara e Musk, ajo e cilëson si “të çuditshme” zgjedhjen e tij për t’u shfaqur si familjar i krishterë dhe mbrojtës i vlerave perëndimore , pasi realiteti sipas saj është krejtësisht ndryshe. “Ti nuk je familjar, ti je një kurorëshkelës serial që nuk do të ndalosh së gënjyeri për fëmijët tënd. Ti nuk je i krishterë, me sa di unë nuk ke shkelur kurrë në kishë. Ju nuk jeni një avokat i përparimit. Kur isha 6 vjeç e quajte arabishten “gjuhën e armikut”, ke pasur një sërë padish për diskriminim dhe ke ardhur nga Aparteidi Afrika e Jugut. Ju nuk e “shpëtoni planetin”, nuk i kushtoni vëmendje ndryshimeve klimatike dhe gënjeni për qytetërimin shumëplanetar, si justifikim dhe sepse dëshironi të dukeni si CEO i Ready Player One. Do të flisja për deklaratat e tij për natalitetin, por nuk dua të merrem me këtë mut nacionalisti ”, ka shkruar 20-vjeçarja në postimet e saj, duke treguar se ndihet e zhgënjyer nga besueshmëria e llojit njerëzor, pasi disa njerëz vazhdojnë t’i besojnë babait të saj për arsye që ajo vetë nuk mund t’i kuptojë.

Miliarderi afrikano-jugor ka lindur 12 fëmijë në 22 vitet e fundit dhe ka shprehur publikisht besimin e tij se popullsia e botës duhet të rritet për të ardhmen e specieve tona. Musk ka lindur fëmijë me tre gra të ndryshme, autoren kanadeze Justine Ëilson, nëna e Vivian, muzikanti Grimes dhe punonjësja e tij, Siobhan Gillis. Fëmija i tij më i vogël me Zillis lindi në 2024.

Vivian dhe Musk janë përfshirë në një luftë fjalësh në mediat sociale pas një interviste me CEO të Tesla në të cilën ai pretendoi se ishte mashtruar për të lejuar Ëilson të merrte ilaçe për transgjinorët. Duke iu referuar të riut transgjinor me përemra mashkullorë dhe emrit që i dha pasi lindi, Musk pohoi se ” virusi i kulturës së zgjimit vrau djalin e tij”.

Ëilson iu kundërpërgjigj atyre pretendimeve muajin e kaluar, duke kundërshtuar një postim të babait të saj në Twitter, në të cilin ai pretendonte se kishte lindur “gay dhe pak autist”.

Ajo gjithashtu pohoi se Musk e ngacmonte vazhdimisht për feminilitetin e saj./Top Channel