Kameramani që gjeti trupin e Mosley rrëfen momentin dramatik: Uroja të kisha një lajm të mirë
Më vjen keq që isha unë ai që e gjeta të vdekur”,tha Antonis Mystiloglou i ngrysur për Sky News.
I prekur dhe me lot në sy, kameramani Antonis Mystiloglou, kamera e të cilit pikasi trupin e prezantuesit fatkeq britanik të BBC-së, Michael Mosley në një plazh në Symi , përshkruan momentin e zbulimit dramatik.
Paraditen e sotme kameramani së bashku me kryebashkiakun e Symit, Lefteris Papakalodoukas dhe gazetarë të tjerë, ishin futur në varka për të fotografuar pikat e hetimit.
Aty kamera e Mystiloglou ka pikasur trupin e prezantuesit 67-vjeçar, teksa po xhironin video dhe pamje nga zona.
Më vjen keq që isha unë ai që e gjeta të vdekur”,i tha i ngrysur gazetarit të Sky News kameramani grek, duke parë kamerën dhe duke iu drejtuar familjes së 67-vjeçarit fatkeq. “Do të doja të kishim lajme më të mira”, shtoi ai, dukshëm i prekur./OraNews
