Bëhen bashkë të gjithë banorët në një festë të organizuar pas përfundimit të Big Brother

Finalja e madhe e Big Brother VIP Albania 3 u mbajt të shtunën (25 maj).

Edicionin e tretë të këtij reality shou e fitoi Egla Ceno duke marrë kështu plot 100 mijë euro.

Në vend të dytë u rendit aktori Julian Deda, e në vend të tretë prezantuesi Romeo Veshaj.

Pas përfundimit të këtij spektakli, është organizuar një festë nga Top Channel.

Ai që mungon duket se është Romeo Veshaj, të cilit duket t’i ketë ngelur hatri me produksionin.

Të njëjtit kanë ndarë pamje nga festa, duke e shijuar në maksimum, e që siç shihet po argëtohen në masë të madhe. /Telegrafi/