Ferma V.I.P. në natën e tetëmbëdhjetë prime mbërriti si një reality drithërues, përmes ekranit të Vizion Plus.
“Një finale e parakohëshme”, kështu u cilësua përballja mes dy personazheve sa të ndryshëm aq edhe të rëndësishëm për njëri tjetrin në garë. Florjan Agalliu dhe Valer Kolnikaj treguan vendosmërinë e tyre për ti shkuar deri në fund sfidës, në një luftë nervash, shkathtësie, adrenalinë dhe emocione të pakrahasueshme.
Fermer Kolnikaj i’a doli me sukses. Kanë mbetur vetëm pak orë derisa publiku të vendosë përmes një televotimi, nëse Florjan Agalliu do të shkojë në Arameras apo do të largohet përfundimisht nga Ferma V.I.P.
Ndërkohë në fund të listës së të preferuarve u rendit Himena Sherifi dhe Xhesika Polo. Sfida mes tyre u dominua nga Xhesika e cila arriti të ruajë statusin e fermeres. Ndërsa Himena përjetoi një gjendje të përkeqësuar shëndetësore dhe do të jetë vlerësimi i mjekëve baza mbi të cilën do të gjykohet vijimësia e saj si konkurente.
Sakaq, deri në prime-n e radhës, të gjithë fermerët janë në televotim. Ndërsa mbrëmja e së hënës, padyshim ishte nata e surprizave të mëdha..
Publiku riktheu me shumicë të dallueshme votash, njërin nga ish-konkurentët. Dijonis Biba i’u bashkua sërish Fermës V.I.P. por ai nuk do të jetë në kushte të barabarta me ta. Agai do të sqarojë përmes një vendimi të dytë, pozicionimin e tij në raport me fermerët e tjerë.
Çiljeta Xhilaga dhe Albano Bogdo ishin dy fatlumët që patën mundësinë të takojnë njerëzit e tyre të dashur. Nëna e Çiljetës mbërriti në arenë duke i dhënë forcë jo vetëm vajzës së saj por edhe të gjthë publikut.
Ndërsa Albano ka dhuruar emocione të jashtëzakonshme sa i takon ndjeshmërisë që ka ndaj nënës së tij, dhe urimin e ditëlindjes ia përcolli në një formë krejt origjinale. Këngëtari Ylli Baka i dhuroi fermës V.I.P. një mbrëmje spektakolare, duke bashkuar në këngë shpirtrat e të gjithëve.
Në fermë gjatë këtyre ditëve autoriteti më i lartë do të jetë Albano si kryefermer, Baby G e ftuara e “Njishit” dhe Valer Kolnikaj mbajtës i hajmalisë.
Për të gjitha zhvillimet ndiqni Ferma Vip 1 dhe Ferma Vip 2 në platformën digjitale Tring si dhe përmbledhjet në ekranin e Vizon Plus e në kanalin zyrtar të you tube, Ferma V.I.P. Albania. /vizionplus.tv
