Nga Juli, Egla deri te Romeo, kush është banori i BBV3 që mban “kurorën” e “Instagram”-it?
Cilët janë banorët e shtëpisë së BBV3 që kanë spikatur në “Instagram”?
“Social Top 5” është një rubrikë e emisionit “Live From Tirana” që sjell vëmendjen tek personazhet e famshëm, qofshin ata shqiptarë apo të huaj. Teksa të gjithë jemi gjithë sy e veshë se çfarë postojnë yjet në rrjete sociale, kjo ndikon dhe tek numri i tyre i ndjekësve në “Instagram”. Por cilët janë banorët e shtëpisë së “BBV” që kanë spikatur në “Instagram”?
Ai është një banorët më të komentuar të “BBV3”. Bëhet fjalë për Julian Dedën, i cili këtë javë ka shtuar 1 mijë ndjekës, duke numëruar tashmë 453 mijë.
Kalojmë te çifti i vetëm momentalisht brenda “BBV3”, Heidi Baci dhe Romeo Veshaj. Aktori ka pasur një rritje prej 1 mijë ndjekësish duke shkuar kështu në 342K dhe nga ana tjetër Heidi ka shtuar sërish si javën e kaluar 3K në numrin e ndjekësve duke pasur tani 145 mijë.
Sa i përket Meriton Mjekiqit, po ashtu edhe ai është rritur me 3 mijë ndjekës dhe tani numëron 335K.
Sa i përket banores që ka fituar më shumë ndjekës këtë javë, është Françeska Murati e cila ka shtuar plot 6.6K në “Instagram”. Nga ana tjetër Egla Ceno, këtë herë ka fituar vetëm 100 ndjekës më shumë dhe tashmë ka 73.7K në “Instagram”. /Top Albania Radio/
