Ndërhyrja në TIMS, paralajmëron Karamuço: Ka të dhëna për amerikanët, ditë të zeza për ata që fshehin informacionet

Eksperti i kriminalistikës, Ervin Karamuço ka analizuar skemën si Ervin Muça, drejtori i IT-së, në Policinë e Shtetit, ka ndërhyrë në sistemin TIMS.

Karamuço u shpreh se të gjitha veprimet që kryhen bëhen me një leje paraprake nga personat që janë në gradë më lartë.

Mes tjerash ai shtoi se ata që po fshehin të dhënat, që sipas tij nuk janë shkatërruar, do të shohin ditë të zeza, pasi në ato të dhëna ka shtetas amerikanë që kanë hyrë dhe kanë dalë në vendin tonë.

Ka diçka, të gjitha veprimet që kryhen nga një drejtor drejtorie bëhen me një leje paraprake të drejtorëve dhe me një memo shpjeguese. Është shtet ky. Ku janë të dhënat? Janë shkatërruar, janë shitur brenda Shqipërisë, janë shitur jashtë? Komisioni hetimor ka një të dhënë për një 1 milion eurosh. Se çfarë është ky 1 milion eurosh, do e zbulojë Prokuroria në vijim të hetimeve që po kryhen.

Ditë shumë të zeza do të vijnë për ata persona që i posedojnë aktualisht ato të dhëna. Ato të dhëna nuk janë shkatërruar. Atë që e kanë marrë përsipër, ta bëjnë këtë që nuk është vetëm shteti shqiptar por janë ata të tjerët, aleatët më të fuqishëm që kemi. Ata do e marrin prapë atë të dhënë. Aty brenda ka të dhëna që shtetas amerikanë kanë hyrë dhe kanë dalë dhe këtë nuk ta falin. Do të vij një ditë që do thonë përse e morëm”, tha ai në Euronews Albania.