Armando Ndreca i cili është vëllai i deputetit të PS, Eduard Ndreca u arrestua në fshatin Kashnjet pasi u kap duke kultivuar lëndë narkotike.
Personi që shihni në foto është vëllai i deputetit të PS-së në Lezhë, Armando Ndreca i arrestuar ditën e sotme.
32-vjeçari Armando Ndreca u arrestua në fshatin Kashnjet pasi u kap duke kultivuar lëndë narkotike.
Sipas njoftimit të policisë bëhet me dije se gjatë operacionit anti-drogë në Kashnjet u zbulua një stan i cili ishte përshtatur për të kultivuar bimë narkotike.
Përveç arrestimit të 32-vjeçarit bëhet me dije se janë arrestuar edhe dy bashkëpunëtorë e tij 27-vjeçari Armel Nikdukaj dhe 28-vjeçari Elvis Shpellzai. Më tej në njoftim thuhet se në stanin e përshtatur për kultivimin e drogës ishin instaluar llamba të cilat ishin me lidhje të jashtëligjshme të energjisë elektrike. / g sh
