Ndodh çudia / Gjelbëron shkretëtira në qytetet e shenjta të Mekës dhe Medinës në Arabinë Sauditë
Rikthimi i gjelbërimit ka ndezur interpretime të ndryshme me rëndësi fetare
Që nga fillimi i shirave të dendur në fund të vitit 2022, ka patur një rritje të gjelbërimit në disa zona të shkretëtirës që rrethojnë qytetet e shenjta të Arabisë Saudite të Mekës dhe Medinës.
Kjo ka çuar në pamjen e rrallë të kodrave të gjelbra në rajonin me tokë të thatë. Ngjarje të tilla reshjesh mund të nxisin rritjen e bimëve tolerante ndaj shkretëtirës, duke përfshirë barëra dhe shkurre, duke ndryshuar kështu mjedisin me rërë.
Dëshmitë historike dhe gjeologjike sugjerojnë se Gadishulli Arabik dikur ishte më i gjelbëruar se gjendja e tij aktuale.
Hulumtimet kanë zbuluar mbetjet e mbi 10,000 liqeneve prehistorike në shkretëtirë, së bashku me fosilet e elefantëve dhe hipopotamëve, nxjerrin dëshmi për një të kaluar më të lagësht.
Më tej, studimet gjeologjike kanë treguar raste të reshjeve të shtuara, të ngjashme me musonet që shihen sot në Omanin jugor.
Rikthimi i gjelbërimit ka ndezur interpretime të ndryshme me rëndësi fetare për shumë besimtarë.
Vendasit, të frymëzuar nga një hadith (thënie) që i atribuohet Profetit Muhamed në lidhje me shndërrimin e Arabisë përsëri në toka të mbushura me livadhe dhe lumenj, e perceptojnë këtë gjelbërim si një pararendës të mundshëm të Ditës së Gjykimit të profetizuar./gsh
